आपण सर्व  माळी समाज बांधव महाराष्ट्राच्या कानाकोपऱ्यातून व्यवसायाच्या निमित्ताने नोकरीच्या निमित्ताने व शिक्षणाच्या निमित्ताने मुंबई या महानगरांमधे आलो आहोत..मुंबईचे जीवन अतिशय धकाधकीचे व धावपळीचे आहे. आपला समाज बांधवांशी संपर्क दिवसेंदिवस कमी होत चालला आहे प्रत्येक जण आपापल्या कामात  अतिशय बिझी आहे त्यामुळे आपल्या मुलांची व मुलींची लग्ने जमवताना व त्यांना इच्छित स्थळ मिळण्यासाठी अडचणी येऊ लागल्या आहेत. समाजाचे ही अडचण लक्षात घेऊन आम्ही ठरवले की आपण वधु– वर मंडळ स्थापन केले पाहिजे सर्वप्रथम श्री संपत मारुती जाधव यांनी  वधु–वर मंडळाची किती गरज आहे हे सर्वांच्या लक्षात आणून दिले. त्यांच्या सततच्या पाठपुराव्यामुळे संत सावतामाळी मंडळाने ठरवले की आपण संत सावता वधू वर नोंदणी व सूचक मंडळ स्थापन करायचे.  ठरल्याप्रमाणे 2 फेब्रुवारी 2003 रोजी संत सावता माळी वधू–वर नोंदणी व सूचक केंद्राची स्थापना करण्यात आली. नियोजित वधू वर नोंदणी व सूचक केंद्राचे उद्द्घाटन श्री सुदाम शेठ हिवरकर माजी स्थायी समिती सभापती नवी मुंबई महानगरपालिका यांच्या हस्ते झाले. सदर कार्यक्रमास सहाय्यक पोलीस आयुक्त व राष्ट्रपती पदक विजेते श्री अशोक गोरे साहेब समाजसेवक डी के माळी  साहेब व मोठ्या संख्येने श्री संत सावतामाळी मंडळाचे कार्यकर्ते व समाज बांधव उपस्थित होते.